Tahlillar shuni ko‘rsatadiki, Jizzax viloyati pedagogik mahorat markaziga yanvar oyida jami 450 nafar tinglovchi malaka oshirish jarayonlariga jalb etilgan.
Eng yuqori ko‘rsatkich Baxmal tumanida (65 nafar) qayd etilib, bu hududda ta’lim xodimlarining kasbiy rivojlanishga bo‘lgan qiziqishi va faolligi yuqori ekanini ko‘rsatadi. G‘allaorol hamda Sh. Rashidov tumanlari (59 nafardan) ham yetakchi hududlar qatoridan joy oldi.
O‘rtacha ko‘rsatkich Zomin tumani (51 nafar) va Jizzax shahri (46 nafar) hissasiga to‘g‘ri kelib, ushbu hududlarda kurslar qamrovi barqaror darajada ekanini ko‘rsatmoqda.
Qolgan tumanlarda ishtirok nisbatan kamroq bo‘lsa-da, Forish, Zarbdor, Paxtakor, Do‘stlik va Mirzacho‘l tumanlaridagi ko‘rsatkichlar malaka oshirish jarayonining hududlar kesimida tizimli yo‘lga qo‘yilganidan dalolat beradi.
Mazkur tahlil kelgusida past ko‘rsatkichga ega hududlarda maqsadli targ‘ibot ishlarini kuchaytirish, qo‘shimcha guruhlar tashkil etish hamda qamrovni yanada kengaytirish zarurligini ko‘rsatadi.
