Jizzax viloyati pedagogik mahorat markazida “Xalqaro va milliy tajriba asosida ta’limni modernizatsiyalash: raqamli pedagogika, innovatsion texnologiyalar va yuqori malakali kadrlar tayyorlashning istiqbollari” mavzusidagi xalqaro ilmiy-amaliy anjuman yuqori saviyada bo‘lib o‘tdi.
Anjuman doirasida O‘zbekiston va qator xorijiy davlatlardan tashrif buyurgan olimlar, ekspertlar hamda ta’lim sohasi vakillari zamonaviy ta’limning dolzarb masalalari yuzasidan fikr almashdilar. Raqamli pedagogika, sun’iy intellekt, innovatsion texnologiyalar, xalqaro tajriba va ta’lim sifatini oshirishga qaratilgan ilg‘or yondashuvlar muhokama markazida bo‘ldi.
Mazkur nufuzli anjuman xalqaro hamkorlikni mustahkamlash, ilg‘or tajribalarni ommalashtirish hamda zamonaviy kompetensiyalarga ega pedagog kadrlarni tayyorlash bo‘yicha yangi tashabbus va istiqbolli g‘oyalarning shakllanishiga xizmat qildi.
Ilm, innovatsiya va hamkorlik uyg‘unlashgan ushbu muloqot maydoni ta’lim taraqqiyotining yangi bosqichlari sari muhim qadam bo‘ldi.
#JizzaxPMM #XalqaroAnjuman #RaqamliPedagogika #InnovatsionTa’lim #ArtificialIntelligence #EducationForFuture