Aziz va muhtaram ta’lim sohasi fidoyilari, ustoz va murabbiylar, pedagoglar, ta’lim tizimi rahbarlari va soha vakillari!
Sizlarni xalqimiz hayotidagi eng ulug‘ va eng qadrli bayram — O‘zbekiston Respublikasi mustaqilligining 35 yilligi bilan chin qalbdan muborakbod etaman!
Mustaqillik — bu shunchaki sana emas. U — o‘z taqdirimiz, o‘z kelajagimiz va o‘z orzularimizga o‘zimiz egalik qilish huquqidir.
Bugun Yangi O‘zbekistonning taraqqiyoti, avvalo, bilimli avlod, zamonaviy tafakkur va fidoyi ustozlar mehnati bilan mustahkamlanmoqda.
Ayniqsa, ta’lim sohasida mehnat qilayotgan har bir insonning mashaqqatli, ammo sharafli mehnati ertangi kunimizni belgilaydi.
Sinfxonada dars berayotgan ustozdan tortib, ta’lim sifatini oshirish, pedagoglarni qo‘llab-quvvatlash, ilmiy-metodik salohiyatni yuksaltirish yo‘lida xizmat qilayotgan barcha soha vakillarining mehnati — Yangi O‘zbekiston kelajagiga qo‘shilayotgan munosib hissadir.
Fidoyi ustozlarimizning qalbidagi ezgu niyatlar, mehnatidagi matonat va shogirdlariga bergan ishonchi yurtimiz taraqqiyotining eng mustahkam poydevorlaridan biri bo‘lib qolaversin!
Yurtimiz tinch, osmonimiz musaffo, xalqimiz hamisha birdam va baxtiyor bo‘lsin! Ta’lim va ilm-fan ravnaqi yo‘lidagi ezgu ishlarimiz yanada yuksalib, har bir ustozning mehnati munosib qadrlansin!
Mustaqilligimiz abadiy, Vatanimiz obod, kelajagimiz buyuk bo‘lsin!
Yagona Vatan, yagona xalq bo‘lib, yangi hayot va farovon kelajakni birgalikda yarataylik!
Hurmat bilan,
I. Axmedov
Jizzax viloyati pedagogik mahorat markazi direktori, falsafa fanlari bo‘yicha falsafa doktori (PhD), dotsent