Jizzax viloyati pedagogik mahorat markazi Boshlang‘ich va maxsus ta’lim metodikalari kafedrasi tomonidan fan oyligi doirasida markaz tinglovchilari uchun navbatdagi mazmunli va noodatiy tadbirlar tashkil etildi.
Kun odatdagidan farqli tarzda — samimiy tabassum, iliq tilaklar va motivatsion ruh bilan boshlandi. Tinglovchilarni tonggi kutib olish jarayonida interaktiv o‘yinlar, jamoaviy mashg‘ulotlar, kayfiyatni ko‘taruvchi metodlar va musiqiy chiqishlar uyg‘unlashtirildi.
Tadbir davomida ishtirokchilar nafaqat hordiq chiqardilar, balki muloqot qilish, jamoada ishlash, ijodiy fikrlash va faol ishtirok etish imkoniyatiga ega bo‘ldilar. Zero, kasbiy rivojlanish samaradorligi ko‘p jihatdan inson o‘zini erkin, faol va ilhomlangan his qiladigan ta’lim muhitiga bog‘liq.
Fan oyligi — bu shunchaki tadbirlar silsilasi emas. Bu — bilim, ijodkorlik, motivatsiya va kasbiy rivojlanish birlashadigan muhit!