Jizzax viloyati Pedagogik mahorat markazi hamda Jizzax viloyati maktabgacha va maktab ta’limi boshqarmasi hamkorligida ijtimoiy fanlar bo‘yicha “Kasbiy rivojlanish kuni” tadbirlari Baxmal tumanidagi 4- va 34-sonli umumiy o‘rta ta’lim maktablarida mas’ullar tomonidan o‘rganildi.

Jarayonda pedagoglarning kasbiy rivojlanishi, metodik ishlarning samaradorligi va ta’lim sifati asosiy mezon sifatida tahlil qilinib, amaliy tavsiyalar va zarur ko‘rsatmalar berildi.

Shuningdek, 16-sonli DMTTda o‘tkazilgan metodik soat tadbirlari ham o‘rganilib, maktabgacha ta’limda pedagoglarning kasbiy mahoratini oshirish va metodik ishlarni yanada takomillashtirish bo‘yicha muhim yo‘nalishlar belgilandi.